ကုန်ပစ္စည်းနှင့်ဝန်ဆောင်မှုများ ကမ်းလှမ်းရောင်းချခြင်း (Cold Call) နှင့် ဖောက်သည်သစ်များရရှိအောင်ဆောင်ရွက်ခြင်း

ယခု အပြန်အလှန် သင်ကြားနေစဉ်အတွင်း သင်သည် အတွေ့ကြုံရှိ သင်တန်းမှုးဖြင့် Cold-callများ၏ ဖိစီးမှုများ ပပျောက်အောင်၊ မျှော်မှန်းထားသော ရောင်းအားထက် တိုးတက်လာအောင်နှင့် တန်ဖိ်ုးရှိကြီးပွား အောင်မြင်နိုင်သော စကားများပြောဆိုနိုင်ပုံတို့ကို ဆောင်ရွက်ရမည်။ အင်အားရှိ စကားလုံးတွဲများဖြင့် ချိန်းဆိုချက်များ ရရှိလာစေခြင်းနှင့် ဝယ်လိုသူအား စိတ်ဝင်စားလာစေခြင်းတ်ို့ကို သိရှိလာမည်။ Cold-calling ပြုလုပ်ရာတွင် ဟန်မပျက်နေနိုင်ခြင်းနှင့် မိမိကိုယ်ကို ယုံကြည်ခြင်း သာမက အလားအလာရှိသော ဝယ်လိုသူများ၏ လိုအပ်ချက်၊ လိုချင်မှုနှင့် စိတ်ဝင်စားမှုများကို လိုက်၍ ဆွဲဆောင်ရမည်။

မိမိ၏ အလားအလာရှိသောသူများအား မသိသော အရောင်းစီမံခန့်ခွဲသူတစ်ယောက်သည် ငါးစာ မရွေးဘဲ ငါးဖမ်းနေသူများနှင့် တူသည်။ အလားအလာရှိတာသိခြင်းသည် နံပါတ်များဖြင့် ဆော့ကစားခြင်းဖြစ်သည်ဟု သင် အကြိမ်ဖန်များစွာ ကြားဖူးလိမ့်မည်။ သို့သော် အဆိုပါ ကစားပွဲကို အောင်နိုင်ရန် နည်းဗျူဟာကျ ချဉ်းကပ်မှု၊ စိတ်ဝင်စားအောင် ပြောဆိုနိုင်ပုံနှင့် စိတ်ပါဝင်စားသော ကိုယ်နေဟန်ထားတို့ လိုအပ်သည်။ အရောင်းဝန်ထမ်းများအနေဖြင့် မိမိတို့အား အခွင့်အရေး ကောင်းများ ရရှိစေမည့် အပြောအဆိုတိုု့ကို သိရှိပြီး စကားလမ်းကြောင်းများ ဖွင့်ဟ ပြောဆိုနိုင်ရမည်။

မိမိ၏ ဖောက်သည်ဖြင့် ကြာရှည်စွာ ကောင်းမွန်သော ဆက်ဆံရေး တည်ဆောက်ထားနိုင်ခြင်းသည် ချန်ပီယံ အရောင်းစီမံခံခွဲသူ၏ အနိုင်ပွဲဖြစ်သည်။ သို့သော် ယင်းကဲ့သို့ အောင်မြင်ရန် သင်၏ အရောင်းစာရင်းတွင် လက်ဟောင်း၊ လက်သစ် ဝယ်လိုသူများမှ အစဉ်တစိုက် ရလာဒ်များ ရရှိအောင် ထိန်းထားနိုင်ရန် လိုအပ်သည်။ ဤအခန်းတွင် သင်ကြားသွားသည်များမှာ cold-calling အတွက် မည်ကဲ့သို့ အပြုသဘောဆောင်သော ပြောဆိုပုံတို့ ထိန်းထားနိုင်နည်းနှင့် ဝယ်လိုအားတက်စေသော ရောင်းချခြင်းဆိုင်ရာ စကားများ အသုံးချနိုင်ရန်ဖြစ်သည်။ သတ္တိရှိရေး၊ မိမိကိုယ်ကို ယုံကြည်မှုရှိရေးနှင့် အရည်အချင်းများမှ ဝယ်လိုအားအလားအလာရှိသူတို့၏ အာရုံကို ဖမ်းစားထားနိုင်ရန် အမြန်ဆုံး လုပ်ဆောင်သင့်သည်။