ယုံကြည်မှု၊ ပြတ်သားမှု၊ တာဝန်ယူလိုုစိတ် - ခေါင်းဆောင်မှုစွမ်းရည် သဘောထားများ တည်ဆောက်ခြင်း
ထိုယုံကြည်မှုသည် ခံယူချက်နှင့် များစွာသက်ဆိုင်သည်။ ဤသင်တန်းတွင် သင့်ကို ပိုမိုပေါ်လွင်ထင်ရှားလာစေရန်၊ လူစိမ်းများကို ချဉ်းကပ်တတ်ရန်၊ အရေးအကြီးဆုံးအနေဖြင့် အခက်အခဲများကိုလိမ္မာပါးနပ်စွာဖြင့် ရဲရဲဝံ့ဝံ့ရင်ဆိုင်ဖြေရှင်းတတ်ရန် နည်းလမ်းများကို ရှာဖွေပေးသွားမည်ဖြစ်ပါသည်။ ဘယ်သူ့မှာတာဝန်ရှိသလဲဆိုတဲ့ သံသယများအားလုံးကို ဖယ်ရှားပြီး သင့်ရဲ့ ကိန်းအောင်းနေသော စွမ်းရည်များကိုအသုံးချရန် နှင့် သင့်ရဲ့ အတွင်းစိတ်မှ ယုံကြည်မှု နှင့် စိတ်အားထက်သန်မှု သဘောထားများကို ထုတ်ဖော်နို်င်ဖို့ အခု သင့်မှာ အခွင့်အရေးရှိလာပါပြီ။
သင်လေ့လာသင်ယူရမည့် အရာများ
စိန်ခေါ်မှုများနှင့် ကြုံလာရသည့် အခါတိုင်းတွင် ရန်လိုသောအမူအရာမပြဘဲ ပြတ်သားစွာဆောင်ရွက်တတ်ရန် ကြိုးစားရပါမည်။ သင့်ရဲ့ မြင်သည့်အတိုင်း အခြားသူများ မြင်လာအောင် စည်းရုံးနိုင်ရန် နှင့် အခြေအနေများကို ထိန်းထားနိုင်စေရန် နည်းလမ်းများကို သင်ယူရပါမည်။ ယုံကြည်မှုရှိရှိဖြင့် ပြောရဲဆိုရဲရှိပြီး အခြားသူများ၏ ထောက်ခံမှုကိုရယူနိုင်ရာလာရာမှတစ်ဆင့် သင်ကိုယ်တွင်းမှ ငုပ်လျှိုးနေသော ခေါင်းဆောင်ကို တွေ့ရှိလာပါလိမ့်မည်။
သင်ဘာကြောင့် ဤသည်ကိုသင်ယူချင်ရသည်
ပိုမိုအောင်မြင်နိုင်ရန် နှင့် အဖွဲ့အစည်း၏ ပန်းတိုင်များကို ပိို၍ ထိထိရောက်ရောက် သင့်ထံတွင် ကိုယ့်ကိုယ်ကို ယုံကြည်မှု နှင့် ပြတ်သားစွာလုပ်ဆောင်တတ်မှုတို့ကို ပျိုးထောင်ပေးရန် လိုအပ်ပါသည်။ အခုအချိန်ဟာ သင်ကိုယ်တိုင် တာဝန်ယူရမယ့်အချိန်၊ သင့့်ကို အခြားသူများက သတိထားမိသော ခေါင်းဆောင်တစ်ယောက်အဖြစ် ကိုယ့်ကိုယ်ကို ယုံကြည်မှုပေးရမယ့် အချိန်ဖြစ်ပါသည်။ ဤသင်တန်းသည် သင့်ကိုယ်ထဲမှ ခေါင်းဆောင်ကိုရှာဖွေဖော်ထုတ်ပေးသွားမည့် သင်တန်းဖြစ်ပါသည်။ သင့်ကိုယ်သင် အခြားသူများ၏ အရိပ်အောက်တွင် ခိုလှုံနေသူအဖြစ်မှ ကိုယ်ကိုယ်တိုင် မားမားမတ်မတ်ရပ်တည်နိုင်သည့် ခေါင်းဆောင်တစ်ယောက်အဖြစ်သို့ ရုန်းထွက်ရပ်တည်သွားနိုင်မည်ဖြစ်ပါသည်။
သင့်ကို မည်သို့ ကူညီပေးမည်
လူအများနှင့် ပေါင်းသင်းဆက်ဆံရာတွင် မိမိကိုယ်ကို ယုံကြည်စိတ်များ တိုးတက်လာစေမည့် နည်းလမ်းများကို လေ့ကျင့်ပေးရုံသာမက သင်လုပ်သမျှအရာတိုင်းအတွက် သင့်ကိုယ်သင် အပြည့်အဝ ယုံကြည်မှုရှိနေစေမည် ဖြစ်သည်။ ဤသင်တန်းသည် သင့်ကိုယ်ထဲတွင် ခေါင်းဆောင်တစ်ယောက်ရဲ့ စိတ်ဓာတ်များရှိသည်ကို ဖော်ထုတ်ပေး ခြင်းဖြစ်သည်။ သင်၏ငုပ်လျှိုးနေသော အစွမ်းအစများကို ဖော်ထုတ်ပေးပြီး လူများရှေ့တွင် မားမားမတ်မတ် ရပ်ကာ ဦးဆောင်နိုင်သော ခေါင်းဆောင်တစ်ယောက် ဖြစ်လာစေမည်။
