သင့်ရဲ့ အောင်မြင်ပျော်ရွှင်သော အလုပ်နှင့် ဘဝနေထိုင်မှုကို ဖန်တီးခြင်း

ယခုသင်တန်းက သင့်အား မည်သည့် အရာများက သင့်အတွက် အမှန်တကယ် အရေးကြီးသည်ကို ပြန်လည်သုံးသပ်တတ်စေရန် ကူညီသင်ကြားပေးမည်။ သင် စိတ်ဖိစီးမှု ခံစားနေရသော (သို့မဟုတ်) ဟန်ချက်ညီမှု မရှိသော အရာများကို ဖော်ထုတ် သတ်မှတ်ပါ။ စိတ်ဖိစီးနေရသော အကြောင်းအရင်းများကို ပြန်လည်တုံ့ပြန်ရန် အချက်များ စဉ်းစားဆုံးဖြတ်ပါ။ ဘဝရဲ့အရေးပါသော အခန်းကဏ္ဍများကို ဦးစားပေး ရွေးချယ်ဖို့ လက်တွေ့ကျသော နည်းလမ်းများ ကိုရှာဖွေပါ။ သင်အလေးထား ရွေးချယ်ထား သော အရာများ အပေါ်တွင် သင်၏ စွမ်းရည်များကို အတိအကျ သုံးစွဲပါ။

အကြောင်းအရာ မျိုးစုံကနေ ကျွနု်ပ်တို့ကို ဟန်ချက် ပျက်ပြားအောင် ပြုလုပ်နိုင်ပါတယ် -- ဥပမာ - ပြောင်းလဲမှုကြီးတစ်ခု၊ ကြိုတင် မျှော်မှန်းမထားသော ဖြစ်ရပ်တစ်ခု သို့မဟုတ် မကြာခဏ ဖြစ်ပေါ်နေသော စိုးရိမ်စိတ်များ---ဒီအချက်တွေက သင့်ရဲ့ အချိန်တွေ စွမ်းအင်တွေ ပျော်ရွှင်မှုတွေကို လျော့ပါးအောင်ပြုလုပ်နေပါတယ်။ လက်တွေ့ကျတဲ့ လုပ်ဆောင်ချက် တစ်ခုခု ပြုလုပ်လိုက်ခြင်းက သင့်ကို ထိုအရာများအား ရင်ဆိုင်ရန် အဆင်သင့် ဖြစ်နေစေသည် စိတ်ထွေပြားစေခြင်းများ လျော့နည်းစေမည် စိန်ခေါ်မှု အသစ်များကို အောင်မြင်နိုင်မည် ဖြစ်ပါသည်။

ဒီသင်တန်းက တကယ်တော့ သင့်အကြောင်းတွေပဲ ဖြစ်ပါတယ်။ သင်ဘယ်အရာတွေကို ဆောင်ရွက်နိုင်စွမ်းရှိပါသလဲ။ သင့်အကြောင်းကို သင်ပိုသိလာတာနှင့်အမျှ သင်လိုချင်သော အလုပ် နှင့် ဘဝ နေထိုင်မှု ပုံစံမျိုးကို ဖန်တီးရရှိနိုင်မည် ဖြစ်ပါသည်။ ဘဝရဲ့ တွေ့ကြုံရမည့် အကောင်းအဆိုးများကို အလိုက်သင့် အဆင်ပြေအောင် ဆောင်ရွက်ခြင်း၊ စိတ်ဖိစီးမှုများကို ဖယ်ရှားနိုင်ခြင်း တို့ဖြင့် ထုတ်လုပ်နိုင်စွမ်းမြင့်သော၊ လှုပ်ရှားတက်ကြွသော၊ ပျော်ရွှင်အောင်မြင်သော သူတစ်ယောက် ဖြစ်လာပါလိမ့်မည်။